Rrjeti për Mbrojtjen nga Diskriminimi  është një koalicion joformal i organizatave të shoqërisë civile në Maqedoninë e Veriut, i cili punon për avancimin e të drejtave të njeriut, barazisë dhe mbrojtjes nga diskriminimi. Rrjeti është themeluar në vitin 2010 me qëllim që të sigurojë ndihmë juridike falas, avokim strategjik dhe mbështetje për persona dhe grupe që përballen me diskriminim mbi çdo bazë.

Misioni kryesor i Rrjetit është të kontribuojë në krijimin e një shoqërie në të cilën të gjithë qytetarët kanë të drejta dhe mundësi të barabarta, pavarësisht përkatësisë etnike, gjinisë, identitetit gjinor, orientimit seksual, aftësisë së kufizuar, moshës, statusit social, gjendjes shëndetësore ose çdo karakteristike tjetër personale.

Anëtare të Rrjetit janë disa organizata që punojnë në fushën e të drejtave të njeriut, mbrojtjes juridike, barazisë gjinore dhe mbështetjes së komuniteteve të margjinalizuara. Përmes veprimit të përbashkët, Rrjeti kontribuon në zhvillimin e një sistemi më efikas për parandalimin dhe mbrojtjen nga diskriminimi në Maqedoninë e Veriut.